ਸਰਪੰਚ ਦੀ ਚੋਣ ਸਮੇਂ ਸੁਣੋ ਦਿਲ ਦੀ ਅਵਾਜ਼ ,

ਇਸ ਸਮੇਂ ਸਮੁੱਚਾ ਪੰਜਾਬ ਪੰਚਾਇਤੀ ਚੋਣ ਦੇ ਆਲਮ ਵਿੱਚੋ ਗੁਜਰ ਰਿਹਾ ਹੈ,ਹਰ ਗਲੀ ਮੁਹੱਲੇ  ਪਿੰਡ ਅਤੇ ਸ਼ਹਿਰ ਕੇਵਲ ਪੰਚਾਇਤੀ ਚੋਣਾ ਦਾ ਹੀ ਚਰਚਾ ਹੈ।ਇਸਨੂੰ ਲੈ ਕੇ ਚਰਚੇ ਹੋਣੇ ਸੁਭਾਵਿਕ ਹਨ,ਕਿਉਂਕਿ ਪਿੰਡ  ਵਾਸੀਆਂ ਨੇ ਆਪਣਾ ਨਵਾਂ ਮੁੱਖੀ ਜੋ ਚੁਣਨਾ ਹੈ।ਅਗਲੇ ਪੰਜ ਸਾਲ ਨਵੇ ਸਰਪੰਚ ਦਾ ਪਿੰਡ ਦੇ ਸਮੁੱਚੇ ਕਰਜਾਂ ਵਿੱਚ ਅਹਿਮ ਰੋਲ ਰਹਿਣ ਵਾਲਾ ਹੈ।

ਜਿਵੇਂ ਕਿ ਆਪਾ ਜਾਣਦੇ ਹਾਂ ਕਿ ਪੰਚਾਇਤੀ ਚੋਣਾਂ ਵਿੱਚ ਕੁੱਝ ਕੁ ਹੀ ਦਿਨ ਰਹਿ ਗਏ ਹਨ,ਪੰਜਾਬ ਦੇ ਹਰ ਪਿੰਡ ਵਿੱਚ ਤਿੰਨ ਤੋਂ ਲੈ ਕੇ ਪੰਜ ਤੱਕ ਉਮੀਦਵਾਰ ਸਰਪੰਚੀ ਦੀ ਚੋਣ ਲੜ ਰਹੇ ਹਨ ਤੇ ਪੰਚਾਂ ਦੀ ਗਿਣਤੀ ਤਾਂ ਹਜਾਰਾਂ ਵਿੱਚ ਹੈ।ਸੁਭਾਵਿਕ ਹੈ ਜਿੰਨੇ ਜਿਆਦਾ ਉਮੀਦਵਾਰ ਜਿੱਤਣ ਲਈ ਉਨਾਂ ਜਿਆਦਾ ਜੋਰ।ਇਹ ਜੋਰ ਅਜਮਾਇਸ਼ ਬਹੁਤ ਸਾਰੇ ਤਰੀਕਿਆਂ ਨਾਲ ਹੋ ਸਕਦੀ ਹੈ।ਜਿਵੇਂ ਕਿ ਬਹੁਤ ਜਿਆਦਾ ਕੰਮ ਕਰਕੇ ਦੂਸਰੇ ਨੂੰ ਪਛਾੜਨ ਦੀ,ਦੂਸਰੇ ਤੋਂ ਜਿਆਦਾ ਪੈਸਾ ਖਰਚਣ ਦੀ,ਭਾਵੇ ਕਿ ਚੋਣ ਕਮਿਸ਼ਨ ਵੱਲੋਂ ਪੈਸੇ ਖਰਚਣ ਦੀ ਹੱਦ ਨਿਸ਼ਚਿਤ ਕੀਤੀ ਗਈ ਹੈ ਪਰ ਫਿਰ ਵੀ ਬਹੁਤ ਸਰੇ ਥਾਵਾਂ ਤੇ ਪੈਸਾ ਖਰਚ ਕੇ ਚੋਣ ਜਿੱਤਣ ਦੀ ਕੋਸ਼ਿਸ਼ ਕੀਤੀ ਜਾਦੀ ਹੈ।

ਇਸ ਪੱਧਰ ਤੇ ਆ ਕੇ ਇਕ ਸੂਝਵਾਨ ਵੋਟਰ ਜਿੰਮੇਵਾਰੀ ਹੋਰ ਵੀ ਜਿਆਦਾ ਵੱਧ ਜਾਂਦੀ ਹੈ ਕਿ ਉਹ ਇੱਕ ਇਮਾਨਦਾਰ ,ਸੂਝਵਾਨ ਅਤੇ ਜਿੰਮੇਵਾਰ ਉਮੀਦਵਾਰ ਹੀ ਆਪਣੀ ਵੋਟ ਦੇਵੇਂ।ਕਿਉਂਕਿ ਲੋਕਤੰਤਰ ਦੀ ਖੂਬਸੂਰਤੀ ਹੀ ਇਹ ਹੈ ਕਿ ਤੁਹਾਡੀ ਸਮਝ ਅਤੇ ਸੂਝਬੂਝ ਦੁਆਰਾ ਚੁਣਿਆ ਹੋਇਆ ਉਮੀਦਵਾਰ ਹੀ ਤੁਹਾਡੇ ਉਪਰ ਰਾਜ਼ ਕਰਦਾ ਹੈ।ਇਸ ਲਈ ਅਸਿਧੇ ਤੋਰ ਤੇ ਤੁਸੀ ਆਪ ਹੀ ਆਪਣੇ ਆਪ ਤੇ ਰਾਜ਼ ਕਰਦੇ ਹੋ। ਸ਼ਾਇਦ ਇਸ ਵਾਰ ਵੀ ਉਹ ਸਭ ਕੁੱਝ ਦੁਹਰਾਇਆ ਜਾਵੇ ਜੋ ਪਿਛਲੇ ਸਮਿਆਂ ਵਿਚ ਹੁੰਦਾ ਰਿਹਾ ਹੈ।

ਪਰ ਇਸ ਵਾਰ ਅਸੀ ਆਪਣੇ ਦਿਲ ਦੀ ਅਵਾਜ਼ ਸੁਣ ਕੇ ਵੋਟ ਪਾਵਾਂਗੇ,ਤੇ ਉਸੇ ਨੂੰ ਹੀ ਵੋਟ ਪਾਵਾਂਗੇ ਜੋ ਸਾਡੇ ਦੁੱਖ-ਸੁੱਖ ਦਾ ਸਾਥੀ ਹੋਵੇਗਾ,ਜਿਸ ਨਾਲ ਸਾਡੇ ਮਨ ਦਾ ਬਰ ਮਿਚੇਗਾ,ਜੋ ਰਾਜਨੀਤੀ ਨਹੀਂ ਸੇਵਾ ਕਰੇਗਾ,ਜੋ ਨਿੱਜ ਤੋਂ ਉਪਰ ਉੱਠ ਕੇ ਪਰ ਹਿੱਤ ਲਈ ਕੰਮ ਕਰੇਗਾ।ਅੱਜ ਦੇ ਇਸ ਲੋਕਤੰਤਰ ਦੇ ਪਵਿੱਤਰ ਤਿਉਹਾਰ ਤੇ ਜਦੋਂ ਅਸੀ ਲੋਕਤੰਤਰ ਦੀ ਮੁੱਖ ਇਕਾਈ ਪੰਚਾਇਤ ਦੀ ਚੋਣ ਕਰਨ ਜਾ ਰਹੇ ਹਾ,ਸਾਨੂੰ ਪ੍ਰਣ ਕਰਨਾ ਚਾਹੀਦਾ ਹੈ ਕਿ ਅਸੀ ਆਪਣੇ ਮਤ ਦਾ ਦਾਨ ਬਿਨਾ ਕਿਸੇ ਲੋਭ ,ਮੋਹ ਅਤੇ ਨਸ਼ੇ ਤੋਂ ਕਰਾਂਗੇ,ਅਤੇ ਆਪਣੇ ਸੁਨਿਹਰੀ ਭਵਿੱਖ ਦੀ ਕਾਮਨਾ ਦਾ ਸਬੂਤ ਦੇਵਾਂਗੇ।ਸੁਰਜੀਤ ਫੇਰੂਮਾਨ 9877756161